Бізнес-інкубатар

Вучэбна-практычная ўстанова па падтрымцы прадпрымальніцтва “БІКамарова”

ВПУПП “БіКамарова” ажыццяўляе дзейнасць, накіраваную на стварэнне спрыяльнага асяроддзя для развіцця і падтрымкі суб'ектаў малога прадпрымальніцтва, з дапамогай стварэння арганізацыйна-эканамічных умоў, што стымулююць іх працу.

ВПУПП “БіКамарова” ажыццяўляе наступныя віды дзейнасці:

- прадастаўленне ў арэнду ці (або) бязвыплатнае карыстанне абсталяваных памяшканняў, офіснага абсталявання і іншага абсталявання;

- кансультаванне і інфармаванне па пытаннях вядзення прадпрымальніцкай дзейнасці;

- аказанне дапамогі ў падрыхтоўцы бізнес-планаў для атрымання крэдытаў і выкананне іншых аперацый па арганізацыі дзейнасці суб'ектаў гаспадаркі;

- аказанне садзейнічання ў пошуку партнёраў і інвестараў;

- прадастаўленне фінансавай падтрымкі суб'ектам малога прадпрымальніцтва;

- правядзенне адукацыйных, практычных і іншых мерапрыемстваў;

- садзейнічанне забеспячэнню дадатковай адукацыі дарослага насельніцтва, навучанню, павышэнню кваліфікацыі вызваленых работнікаў прадпрыемстваў і незанятага насельніцтва; дапамога ў сацыяльна-культурнай адаптацыі, прафесійнай рэабілітацыі да ўмоў рыначнай эканомікі, навучанне грамадзян самазанятасці і прадпрымальніцтву;

- арганізацыя выстаў, выстаў-продажаў;

- даследаванне і прагназаванне рынкаў сыравіны, тавараў, працоўнай сілы;

- размяшчэнне рэкламных матэрыялаў;

- распрацоўка і рэалізацыя праектаў у галіне эканомікі, адукацыі, экалогіі, якія закранаюць інтарэсы рэгіёну.

ВПУПП “БіКамарова” створана ў 2017 годзе пры падтрымцы праекту “Развіццё сельскіх тэрыторый у Рэспубліцы Беларусь: Павышэнне ролі сельскага прадпрымальніцтва ў РБ шляхам стварэння і запуску ў Камарова сельскага бізнес-інкубатара”, фінансаванага Еўрапейскім саюзам і сафінансаванага Праграмай малых грантаў Амбасады ЗША ў Мінску.

Заснавальнікам бізнес-інкубатара выступіла грамадскае аб'яднанне “Жанчыны за адраджэнне Нарачанскага краю”.